Që nga ora 10 e mëngjesit të së martës, objektet e Qendrës Klinike Universitare të Kosovës kanë mbetur pa sigurim.
Vendet në të cilat do të duhej të ishin të pozicionuar sigurimi fizik ka mbetur i zbrazët.
Kjo për shkak se gjykata e tenderëve, OSHP, vendosi që t’ia shkëpus kontratën kompanisë e cila e kishte fituar tenderin për sigurimin fizik të QKUK-së.
“Kompani prej datës 21 qershor na ka zhveshur uniformën dhe na ka lan në derë, pa uniform pa kontratë dhe jemi detyruar si kryetar i shoqatës për organizuar punëtorët që neve na kanë shkëputur kontratën dhe QKUK nuk na paguan nëse nuk kemi kontratë”, ka thënë Sylejmani.
Në vend të sigurimit fizik, sipas ushtruesit të drejtorit të SHSKUK-së, Osman Hajdari, përgjegjësinë për ta siguruar QKUK-në, përkohësisht e ka marrë Policia e Kosovës.
“Kam kërkuar nga Policia e Kosovës që deri të finalizojmë në një kontratë të re ata me qenë në kujdes të objekteve sa i përket siguri fizike dhe personelit dhe gjithë pasi është organizatë me 3-4 mijë punëtorët….Nga mbrëmë Policia e Kosovës e ka një plan operativ sa io përket sigurisë fizike të objekteve prej sot edhe në formë fizike policia do t’I vendos me prioritet se cilat janë pikat më kyçe”, shprehet u.d e drejtorit të QKUK-së.
Megjithatë, kjo situatë, sipas kryetarit të Sindikatës së Punëtorëve të Sektorit Privat, Jusuf Azemi, pritet që të zgjasë vetëm disa ditë.
“Thuhet që sigurimin e QKUK-së e kryen Policia e Kosovës, kjo është sa për të thënë por neve nuk na dëmton ajo se QKUK-ja është e jona, mirëpo nuk mund ta sigurojnë 20 policë punën e 250 punëtorëve fizik, mirëpo ne në bazë të informacioneve që i kemi dhe në bazë të takimi me drejtorin kjo situatë mund të ndodhë 2 – 3 ditë”, Azemi.
Punëtorët e sigurimit fizik kanë paralajmëruar protestë në rast që nuk kthehen në punë brenda pak ditëve.
Tëvë 1 ka kërkuar sqarim edhe nga Policia se sa do të jetë numri i policëve të angazhuar në sigurimin e QKUK-së, por nuk ka marrë përgjigje.
