Pjesë e diskutimit ishin edhe zhvillimet pozitive në Kosovë, ndër to Kurti përmendi edhe rritjen ekonomike, luftën kundër krimit dhe korrupsionit si dhe reformat që po ndërmerren nga Qeveria e Kosovës.
Kryediplomati i Qipros theksoi se vendi i tij dëshiron të shtojë komunikim dhe bashkëpunimin me Kosovën, derisa konfirmoi mbështetjen e Qipros për liberalizimin e vizave për qytetarët e Kosovës.
Kurti po ashtu potencoi se Gjykata Ndërkombëtare e Drejtësisë ka dëshmuar ligjshmërinë e shpalljes së Pavarësisë së Kosovës.
Ky takim u realizua në kuadër të pjesëmarrjes së kryeministrit Albin Kurti në tryezën e rrumbullakët të organizuar nga Qeveria e Greqisë dhe prestigjiozja britanike “The Economist” me mbështetjen e Parlamentit Evropian dhe Komisionit Evropian. Gjatë qëndrimit të tij atje, Albin Kurti po zhvillon takime zyrtare me përfaqësues të ndryshëm.
