Më shumë se 200 të burgosur janë arratisur nga një burg në Pakistan, pasi u zhvendosën nga qelitë e tyre për siguri për shkak të dridhjeve të tërmetit, thanë zyrtarët.
Pasi dolën jashtë qelive të tyre, një grup të burgosurish sulmuan rojet, ua sekuestruan armët dhe hapën zjarr.
Nga 216 të burgosurit që kishin ikur nga burgu i Malirit gjatë natës, 78 ishin rikapur, tha për agjencinë e lajmeve AP Kashif Abbasi, një zyrtar i lartë i policisë.
Autoritetet shtuan se po kryhen bastisje për të kapur ata që janë ende të lirë.
Në komentet e transmetuara drejtpërdrejt në kanalet televizive lokale të lajmeve, Lanjar tha se arratisja nga burgu ishte një nga më të mëdhatë e ndodhura ndonjëherë në Pakistan, raportoi agjencia e lajmeve Reuters.
