Kuvendi Komunal i Vitisë të martën ka mbajtur seancë të jashtëzakonshme në të cilën i ka bërë thirrje Qeverisë së Kosovës përfundimin e punimeve sa më shpejtë të shkollës në Pozhoran punimet e së cilës kanë nisur në vitin 2016 dhe ndërtimin e një çerdhe në Viti.
Në këtë seancë është diskutuar dhe miratuar një deklaratë e përbashkët e të gjitha shefave të grupeve parlamentare të përfaqësuar në këtë Kuvend.
Në këtë deklaratë ju është bërë thirrje institucioneve qendrore të Republikës së Kosovës për përfundimin sa më parë të punimeve në ndërtimin e Shkollës Fillore të Mesme të Ulët “ Halil Alidema” në Pozharan dhe ndërtimin e çerdhes në Viti.
Ilir Zuka, anëtar i Kuvendit Komunal të Vitisë dhe njëherit Administrator i Pozharanit shpërndau paraprakisht të gjithë këshilltarëve një shqetësim nga banorët e këtij lokaliteti për mos përfundimin e këtij projekti dhe dëmeve që po ju shkaktohet arsimit në Pozharan.
