Përmes një komunikate, ekzekutivi ka bërë të ditur se do të dëgjojë të gjitha kërkesat e pacientëve dhe do të marrë masat e duhura që “abuzimet në të kaluarën, të hetohen”.
“Qeveria qëndron tërësisht në anën e kërkesave të pacientëve e të publikut të gjerë dhe do të marrë të gjitha masat e duhura e të ushtrojë brenda kuadrit ligjor kontroll të rreptë në FSSh, që të sigurojë funksionimin e mbikëqyrjen e Programit me qëllim që pacientët të marrin shërbimet e kërkuara. Ky shërbim do t’i kthehet normalitetit, kurse abuzimet në të kaluarën të hetohen”,
thuhet ndër tjerash në njoftim.
Madje, në njoftim thuhet se për ta është me rëndësi të veçantë “auditimi i thukët i tërë këtij procesi e secilit transaksion që ka kaluar përmes këtij Programi”.
“Qeveria do t’i aktivizojë të gjithë mekanizmat e vet dhe do t’u ofrojë bashkëpunimin organeve të drejtësisë për hetimin e të gjitha rasteve të nxjerra publikisht lidhur me keqpërdorimet dhe abuzimin në emër të pacientëve që janë trajtuar jashtë vendit, përmes Programit të Trajtimit Mjekësor Jashtë Institucioneve Shëndetësore Publike”, thuhet ndër tjerash në njoftim./teve1.info/everi
