Në muajin shtator Qeveria kishte hapur thirrjen për subvencionim të klimave efiçiente për ngrohje. Por këto pajisje nuk po mund të ngrohin qytetarët të cilët kanë përfituar nga kjo masë. E kritika për këtë kanë nga Partia Demokratike e Kosovës. Derisa është bërë thirrje që të mbështeten forma të tjera të ngrohjes gjatë dimrit.
“Dimri që e kemi përpara do të jetë me i ngrohtë, përditshmëria e tyre është me rehatshme enë të njëjtën kohë faturat e tyre do të jenë me të ulëta”.
Kështu kishte deklaruar shefi i ekzekutivit ditën kur u hap thirrja për subvencionimin e pajisjeve efiçiente për ngrohje.
Por ky dimër po del të jetë më i ftohtë për qytetarët në Kosovë.
Pasi, klimat, të cilat u subvencionuan, nuk po mund të përdoren për shkak të ndërprerjeve të shpeshta të energjisë elektrike.
Madje nga kompania Kosovare për Distribuim me Energji Elektrike në Kosovë (KEDS), thonë se nuk e kishin paraparë që rryma të përdoret për ngrohje.
“ Në fakt rrjeti ynë shpërndarës nuk është i paraparë për ngrohje, është i projektuar për të furnizuar me energji elektrike shtëpitë, bizneset, në bazë të kërkesave, por jo edhe për ngrohje… Konsumi ka shkuar deri në 1 mijë e 500 megavat për orë”, ka thënë Lulzim Krasniqi zëdhënës i KEDS-it.
Kritika për ndërprerjet e shpeshta të energjisë elektrike ka edhe deputetit i Partisë Demokratike të Kosovës, Ferat Shala.
“Ne parat tona i kemi quar jashtë vendit duke blerë pajisje për energji për ngrohje, por de facto dhe de juro ne kemi ulur prodhimin vendor të energjisë kemi nxjerrë paranë jashtë kemi rritur konsumin sepse qytetarët janë orientuar që të ngrohen me energji duke iu nënshtruar një fushate enorme të qeverisë gjoja në emër të efiçiencës, por në realitet ne kemi rritur konsumin vendor por praktikisht kemi dëmtuar prodhimin vendor të energjisë”, ka thënë Shala.
Kështu, eksperti i energjisë, Vezir Rexhepi, ka kërkuar që të bëhet një analizë dhe të shihet se cilat forma duhet të mbështetën për ngrohje.
“Pra politikat duhet të jenë të koordinuara mire e mirë me një ekspertizë të thellë dhe të shihet, pra të jepet favore që të përdorin energjinë termike ose ta përdorin peletin ose forma të tjera, pro çmimet duhet të jenë më të lira me të favorshme se energjia elektrike se nëse është me energji elektrike atëherë e shfrytëzon energjinë elektrike”, shprehet Rexhepi.
Nga Ministria e Ekonomisë të mërkurën u bë thirrje për kursim të energjisë elektrike.
