Këtë e ka paraljmëruar kryeministri, Albin Kurti të martën në një konferencë për medie.
Mbledhja do të mbahet nga ora 10:00.
“Në mbledhjen e ardhshme të Qeverisë, e cila do të mbahet nesër (e mërkurë) do të miratojmë projektligjin e cili do t’i hapë rrugë rritjes së pagës minimale në 264 euro bruto apo 250 euro neto, dhe heqjen e tatimit për 250 euro pagë. Pra edhe do ta rrisim pagën minimale, edhe do ta lirojmë nga tatimi”, tha Kurti në konferencë.
Kurti tutje shtoi se siç kanë premtuar më herët, sipas programit zgjedhor dhe programit qeverisës, ata që kanë paga më të ulëta, do të kenë më shumë para në fund të muajit.
“Siç kishim premtuar, dhe siç shkruan në faqen 11 të programit zgjedhor, dhe faqen 8 të programit qeverisës, kështu sigurohemi që ata që kanë paga më të ulëta, do të kenë më shumë para në fund të muajit”, deklaroi tutje ai./teve1.info/
