Kryeministri i Kosovës, Albin Kurti në mbledhjen e 218-të të Qeverisë ka bërë të ditur se do ta shqyrtojnë propozimin që niveli i ri i pagës minimale në vend të jetë 350 euro bruto.
Kurti ka thënë se niveli i pagës minimale të jetë 2 euro për orë pune të rregullta apo 350 euro bruto në muaj për punë me orar të plotë, raporton teve1.info
Tutje ai theksoi se paga minimale do të jetë e liruar nga tatimi, teksa tha se kjo është rritja e dytë e pagës minimale brenda këtij mandati Qeverisës.
“Me hyrjen në fuqi të ligjit për pagën minimale, më në fund u hap rruga që edhe zyrtarisht të rritet paga minimale pas një pritje prej 13 vjetesh, ndërkaq sot do të shqytrojmë propozimin e Ministrisë së Financave,Punës dhe Transfereve që niveli i ri pagës minimale të jetë 2 euro për orë pune të rregullta apo 350 euro bruto në muaj për punë me orarë të plotë, paga minimale do të jetë e liruar nga tatimi, kjo është rritja e dytë e pages minimale brenda këtij mandati qeverisës”, deklaroi Kurti.
