Është dita e tretë që veturat me targa të Kosovës po hyjnë në territorin e Serbisë pa stikera.
Pas lehtësirave nga Qeveria e Serbisë, shoferët e këtyre veturave nuk kanë për obligim vendosjen e letrave ngjitëse.
Mirëpo, një praktikë e tillë nuk po shihet në Kosovë, pasi targat me akronime serbe po mbulohen në pikat kufitare.
Por, për tëvë1 qeveria ka thënë që së shpejti do të marrë një vendim për targat.
“Policia jonë kufitare është duke monitoruar me kujdes zbatimin e vendimit të Serbisë për qarkullimin e veturave me targa RKS. Siç kemi thënë edhe javën e kaluar, sjellja dhe vendimi ynë do të jetë në bazën e parimit të reciprocitetit dhe i mbështetur mbi analizat dhe përfundimet e policisë kufitare mbi nivelin e zbatueshmërisë nga ana e Serbisë. Një vendim pritet që të merret së shpejti”, thuhet nga Qeveria e Kosovës.
Mirëpo, me këto vonesa të Qeverisë së Kosovës, nuk po pajtohet ish zëvendësministri i Punëve të Brendshme, Valdet Hoxha.
Ai thotë se duhet vepruar më shpejt.
Qeveria e Serbisë, vendimin për lehtësimin e qarkullimit për targa e mori disa ditë pasi u mbajtën zgjedhjet atje.
Sipas kryeministrit Kurti, e gjithë kjo është bërë për t’i ulur kritikat në drejtim të procesit siç e quajti Kurti jo demokratik zgjedhor në Serbi.