Qeveria e Kosovës, ka nisur procedurat ligjore për largimin nga pozitat e kryetarëve në veri, përmes iniciativës qytetare.
Në një dokument të nënshkruar nga ministri i Administrimit dhe Pushtetit Lokal, të nënshkruar më 31 korrik, nga ministri Elbert Krasniqi, është marrë vendim për caktimin e Grupit Pununes për hartimin e Udhëzimit Administrativ për caktimin e procedurave për iniciativën qytetare për largimin e kryetarëve të komunave.
Në vendim është publikuar edhe përbërja e grupit punues.
Qeveria e Kosovës ishte zotuar për vullnet për zgjedhje të reja në komunat veriore, në marrëveshjen e arritur ndërmjet zëvendëskryeministrit të Kosovës, Besnik Bislimi dhe të dërguarit të BE-së për dialogun Miroslav Lajçak, për hapat e parë drejt shtensionimit të situatës në veri.
Por, kryeministri i Kosovës, Albin Kurti, kishte deklaruar se duhet të kenë kujdes edhe nga aspekti ligjor.
Bashkimi Evropian kishte kërkuar që kryetarët të japin dorëheqje, që t’i hapet rrugë zgjedhjeve të reja.
Se në veri të Kosovës ishte tensionuar në muajin maj, pasi serbët lokal kishin kundërshtuar që kryetarët e zgjedhur të punojnë nga objektet komunale.
Nga protestat e tyre ishin sulmuar Policia e Kosovës, KFOR-i si dhe ekipet e medieve. Dhjetëra ushtarë të KFOR-it kishin pësuar lëndime trupore nga sulmet e protestueseve serbë.
