Qeveria në detyrë e Kosovës ka miratuar të hënën, përmes një mbledhjeje elektronike, ndarjen e 7,836,618 eurove për Shërbimin Spitalor, Klinik dhe Universitar të Kosovës (ShSKUK).
Kjo ndarje vjen pas kërkesës së Ministrisë së Financave për kursime dhe riorganizim të mjeteve buxhetore.
“Qeveria në detyrë ka mbajtur dje mbledhje elektronike në të cilën ka miratuar kërkesën e Ministrisë së Financave, Punës dhe Transfereve për kursime dhe ndarje”, thuhet në vendimin e Qeverisë.
Shuma e ndarë është e destinuar për kategorinë e mallrave dhe shërbimeve të ShSKUK-së.
