Qeveria e Kosovës ka miratuar ligjin, i cili iu mundëson ndihmë financiare familjeve të prekura nga vërshimet e shtatorit të vitit 2022 dhe të janarit të vitit 2023.
Vlera e buxhetit kap shifrën e 9 milionë eurove.
“Ky vendim i radhës, i cili nga tri kategori që janë të dëmtuara nga vërshimet që janë ekonomitë familjare, bujqësia si dhe bizneset, kemi prioritetizuar që fillimisht me urgjencë t’i mbështesim kategorinë e ekonomisë familjare në mënyrë që mbështetja për ta për ta tejkaluar dhe për tu rimëkëmbur nga fatkeqësia natyrore me të cilën janë ballafaquar të jetë e para në radhë”, kështu deklaroi ministri i Financave, Hekuran Murati në mbledhjen e Qeverisë.
Murati, ka deklaruar se vlerësimi i dëmeve nga vërshimet është bërë nga një Komision qeveritar.
“Me këtë qëllim kërkojmë dhe propozojmë këtë vendim të ndahen 9 milionë euro në mënyrë që të mbulohen dhe të ofrohen ndihma financiare në vlerë prej 90 për qind në krahasim me dëmet e vlerësuara prej secilës së ekonomisë familjare të dëmtuara nga këto dy fatkeqësi natyrore”, shtoi ai./teve1.info/
