Qeveria e Kosovës ka ndarë mjete buxhetore për mbulimin e mungesës së mjeteve financiare në kategorinë e shpenzimeve paga dhe shtesa për komunat Kamenicë dhe Viti.
“Qeveria e Republikës së Kosovës ka zhvilluar një mbledhje elektronike në të cilën ka aprovuar ndarjen e mjeteve buxhetore për mbulimin e mungesës së mjeteve në kategorinë e shpenzimeve Paga dhe Shtesa për komunat Kamenicë dhe Viti, për muajin tetor 2024”, thuhet në komunikatë.
Ndryshe, në media është raportuar se Vitia dhe Kamencia muajt e fundit kanë pasur probleme për pagesat e pagave në programet e arsimit fillor dhe të mesëm, si rrjedhojë e rasteve përmbarimore.
Nga SBASHK kanë thënë se këto probleme nuk vijnë nga kontrata kolektive, por sipas tyre kjo po ndodhë për fajin e nivelit lokal edhe ati qendror.
Ibrahimi: Komunës së Suharekës i mbyllet xhirollogaria bankare nga Qeveria
