Qeveria e Kosovës në mbledhje të mbajtur në mënyrë elektronike, ka ndarë mbi 252 mijë euro për procesin e votimit për shkarkimin e kryetarëve në katër komunat veriore.
Kjo është bërë e ditur në një komunikatë për media.
“Kërkesën e Komisionit Qendror të Zgjedhjeve për ndarjen e mjeteve buxhetore në shumë prej 252,004 € për procesin e votimit për apo kundër largimit të kryetarëve nga funksioni në komunat: Mitrovicë Veriore, Zubin Potok, Leposaviq dhe Zveçan”, thuhet në komunikatë.
Pas verifikimit të pensioneve për shkarkimin e kryetarëve në veri, KQZ ka vendosur që më 21 prill të mbahet procesi i votimit.
Për shkarkimin e kryetarëve duhet të votojonw mbi 50përqind e qytetarëve më të drejtë vote.
Qeveria ka miratuar edhe nismën e Ministrisë së Financave, Punës dhe Transfereve, për amendamentimin e Marrëveshjes për Anëtarësimin e Republikës së Kosovës në Fondin Monetar Ndërkombëtar dhe
Organizatat e Grupit të Bankës Botërore, e ratifikuar në Kuvendin e Republikës së Kosovës me Ligjin Nr. 03/L-152 për “Anëtarësimin e Republikës së Kosovës në Fondin Monetar Ndërkombëtar dhe Organizatat e Grupit të Bankës Botërore”, dhe shpallur me dekretin Nr. DL-013-2009, datë 30.05.2009 nga Presidenti i Republikës së Kosovës./teve1.info/
