Kryeministri i vendit, Albin Kurti në prezantimin e këtij projektligji ka thënë se arsyeja kryesore për rregullimin e kësaj fushe është sigurimi i nivelit të lartë të mbrojtjes së konsumatorëve, raporton Teve1.info
Sipas tij, ky ligj do të parandalojë prodhimin e importeve dhe vendosjen në treg të produkteve mashtruese.
“Arsyeja kryesore për rregullimin e kësaj fushe është sigurimi i nivelit më të lartë të mbrojtjes së shëndetit dhe sigurisë së konsumatorëve dhe përdoruesve të tjerë. Ky ligj do të sigurojë vendosjen në treg të produkteve ekskluzivikisht të sigurt dhe të parandalojë prodhimin e importeve dhe vendosjen në treg të produkteve mashtruese si dhe eksportin e tyre”, deklaroi ai.
Ndërkaq, ministrja e MINT, Rozeta Hajdari theksoi se ky ligj do të ndikoj ndjeshëm në parandalimin e konkurrencës jo të drejtë.
“Përmes këtij ligji është sigurimi i një niveli të lartë të mbrojtjes së shëndetit dhe sigurisë së konsumatorëve që përdorin produktet. Përveç kësaj ligji do të ndikoj ndjeshëm në parandalimin e konkurrencës jo të drejtë. Do t’i jap të drejtë publikut për të qenë të informuar mirë për produktet e rrezikshme”, shtoi Hajdari. /teve1.info/
