Qeveria e Kosovës ka miratuar projektligjin për energjinë elektrike në mbledhjen e mbajtur në mënyrë elektronike të martën.
Ky projektligj sipas Qeverisë ka për qëllim përcaktimin e rregullave dhe masave për sektorin e energjisë elektrike, për të garantuar furnizim të sigurt, të qëndrueshëm dhe cilësor me energji elektrike, me çmime të përballueshme dhe transparente për konsumatorët fundorë, duke adresuar njëkohësisht caqet klimatike të vendit.
