Ministrja e Ministrisë së Industrisë, Ndërmarrësisë dhe Tregtisë, Rozeta Hajdari ka thënë se ky udhëzim ka për qëllim mbrojtjen e konsumatorit dhe konkurrencës për të mënjanuar çrregullimet në treg.
“Udhëzimi bëhet me qëllim që të mbrohet konsumatori dhe konkurrenca për të mënjanuar çrregullimet në treg dhe për qëllimet të tjera të interesit shtetëror. Në bazë të dhënave që posedon MINT, të konfirmuar me evidencë nga bizneset nga Dogana dhe ATK të cilat kanë argumentuar që ka mospërshtatje të çmimeve vendore krahasuar me lëvizjet e çmimeve në tregun botëror”, ka thënë ajo.
Ajo thotë se me këtë udhëzim MINT propozon përcaktimin e menjëhershëm të çmimit maksimal të lejuar për derivate.
“Mospërshtatja e çmimeve është një ndër shkaqet ku Qeveria mund të përcaktojë çmimin maksimal të lejuar apo kufizimin e marzhës tregtare. Për llogaritjet për çmimin maksimal do të jenë të bazuara nga evidenca e Doganës dhe ATK-së dhe udhëzimi në fjalë është përgatitur në mënyrë ekipore. Me këtë udhëzim MINT propozon përcaktimin e menjëhershëm të çmimit maksimal të lejuar për derivate”,tha Hajdari. /teve1.info/
