Kurti para ministrave tha se viti 2022 e kanë shpallur vitin e personave me aftësi të kufizuara, raporton Teve1.info
“Vitin 2022 e kemi shpallur vitin e personave me aftësi të kufizuara, respektimin i lirive dhe të drejtave të njeriut të garantuara me Kushtetutë dhe instrumentet ndërkombëtare për mbrojtjen e të drejtave të njeriut zbatohen ndaj të gjithëve pa dallim. Neni 22 i Kushtetutës së Kosovës liston instrumentet ndërkombëtare për mbrojtjen e të drejtave të njeriut që aplikohen drejtpërdrejtë në sistemin tonë juridik dhe kanë supremaci mbi legjislacionin vendor”, tha ai.
Sipas tij, Konventa e Kombeve të Bashkuara për të drejtat e njeriut dhe të personave me aftësi të kufizuara fuqizon pasqyrën kushtetuese dhe ligjore.
“Sot propozoj para jush përfshirjen e konventës së kombeve të bashkuara për të drejtë të personave me aftësi të kufizuara në listën e instrumenteve ndërkombëtare për mbrojtjen e të drejtave të njeriut të garantuara me Kushtetutë si propozim amendament kushtetues. Konventa e kombeve të bashkuara për të drejtat e njeriut dhe ajo e të drejtave të personave me aftësi të kufizuara e fuqizon pasqyrën kushtetuese dhe ligjore sa i përket mbrojtjen deh avancimin e të drejtave të personave me aftësi të kufizuara në të gjitha fushat”, shtoi Kurti. /Teve1.info/
