Në mbledhjen e sotme të Qeverisë, ministrja e Punëve të Jashtme Donika Gërvalla tha se anëtarësimi i Kosovës në NATO mbetet prioritet strategjik kryesor i Republikës së Kosovës.
Ajo po ashtu bëri të ditur edhe përbërjen e këtij Grupi.
“Përbërja e grupit institucional për intergimin propozohet të jetë kjo: Ministria e Punëve të Jashtme dhe Diasporës si kryesues, ministri i Mbrojtjes anëtar, ministri i Punëve të Brendshme, ministrja e Drejtësisë, një përfqësues i lartë nga zyra e Presidentes së Kosovës, një përfaqësues i lartë nga Zyra e Kyreminstrit, përfaqësues i Republikës së Kosovës për marrëdhëniet me NATO-n nga ambasada e Republikës së Kosovës në Bruksel si anëtar, ambasadori i Republikës së Kosovës në Shtetet e Bashkuara të Amerikës po ashtu si anëtar”, tha Gërvalla.
Ky vendim u miratua me asnjë votë kundër dhe asnjë abstenim.
Grupi Punues ndërinstitucional për integrimin e Kosovës në NATO ka këtë përbërje:
Ministrja e Punëve të Jashtme dhe Diasporës – kryesuese;
Ministri i Mbrojtjes – anëtar;
Ministri i Punëve të Brendshme – anëtar;
Ministrja e Drejtësisë – anëtare;
Një Përfaqësues/e i/e lartë nga Zyra e Presidentes së Republikës së Kosovës – anëtar/e;
Një përfaqësues/e i/e lartë nga Zyra e Kryeministrit – anëtar/e;
Përfaqësuesi i Republikës së Kosovës për marrëdhëniet me NATO nga Ambasada e Republikës së Kosovës në Bruksel – anëtar;
Ambasadori i Republikës së Kosovës në Shtetet e Bashkuara të Amerikës – anëta./Teve1.info/
