Rizvanoll ka bërë të ditur që njëra nga këto masa është edhe caktimi deri në 19 gradë celsius për institucione, masë kjo e cila thuhet se është rekomanduar nga Komiteti teknik emergjent për kursim të rrymës.
Të jetë temperatura 19 gradë celsius gjatë orarit të punës deri në ora 16:00, të zbritet temperatura në minimum kur nuk ka staf deri të nesërmen… Duhet të zëvendësohen poçat standard me poqa led në të gjitha institucione publike, të ndalohet ngrohja në zyrë apo objekte ku nuk ka prezencë fizike si dhe të gjitha korridoret, të ndalohet ngrohja e ujit në institucione publike, ndalim i përdorimit të bojlerëve përveç në institucione si spitali dhe entitete tjera ku uji i ngrohtë është i domosdoshëm. Po ashtu, duhet të ndalen pajisjet elektrike nëse ato nuk përdoren për më shumë se 10 minuta, duhet të ndalen edhe pajisjet e teknologjisë informative nëse nuk përdoren. Klimat apo kondicionerët duhet të punojnë nëse nuk ka alternative të ngrohjes, duhet të ndalet edhe përdorimi i ngrohëseve me energji elektrike”, ka thënë ajo, përcjellë teve1.info.
Tutje ministrja Rizvanolli ka thënë se energjia elektrike duhet të kurset edhe në billborde dhe reklama si dhe ka bërë thirrje të ndalet edhe ndriçimi dekorativ në të gjitha objektet.
“Nuk duhet të përdoret ndriçim në hapësira të brendshme dhe zyre gjatë periudhës kur ka dritë të mjaftueshme natyrore. Duhet të ndalen të gjitha billbordet dhe reklamat që shfrytëzojnë energjinë elektrike, të ndalet ndriçimi dekorativ në të gjitha objektet, aty ku është e mundshme të instalohen sisteme inteligjente për menaxhimin e konsumit me sendor.Të bëhet sanimi i rrjedhjeve të ujit, të pastrohen dhe mirëmbahen sistemet e ngrohjes qendrore në të gjitha objektet që funksionojnë me të. Në të gjitha institucione të caktohet një person që është përgjegjës për menaxhim të rrymës”, ka deklaruar Rizavanolli.
