Qeveria e Kosovës ka mbajtur sot mbledhje elektronike, në të cilën ka marrë tri vendime.
Sipas njoftimit të Zyrës së Kryeministrit (ZKM), vendimi i parë ka të bëjë me shtimin e listës së mallrave në Aneksin A të Ligjit Nr. 03/L-220 për ndryshimin dhe plotësimin e Ligjit Nr. 03/L-112 për Tatimin e Akcizës në Kosovë.
Vendimi i dytë është aprovimi i Listës së anëtarëve potencialë të Komisionit Shtetëror të Pranimit për Kategorinë e Lartë Drejtuese.
Ndërsa vendimi i tretë ka të bëjë me miratimin në parim të Nismës për “Amendamentin Nr. 2 të Marrëveshjes Financiare ndërmjet Republikës së Kosovës dhe Bashkimit Evropian për programin IPA 2019, pjesa e parë”.
