Ministrat e kabinetit të Izraelit kanë miratuar unanimisht shkarkimin e Prokurorit të Përgjithshëm Gali Baharav-Miara – një kritik i shquar i qeverisë – sipas raportimeve të mediave izraelite.
Sipas The Times of Israel, shkarkimi nuk do të hyjë në fuqi derisa Gjykata e Lartë e Izraelit të vendosë mbi ligjshmërinë e procesit. Por ministrat thonë se planifikojnë ta lënë çështjen Baharav-Miara jashtë seancave dëgjimore dhe mbledhjeve të ardhshme të komitetit.
Baharav-Miara ka udhëhequr ndjekjen penale të kryeministrit izraelit Benjamin Netanyahu gjatë gjyqit të tij për korrupsion .
Pas votimit, Ministri i Komunikacionit Shlomo Karhi kërkoi një zëvendësim për të shmangur “një boshllëk qeveritar që do të mbushet me grumbuj interpretimesh ligjore të pabaza”./teve1/
