Qeveria izraelite ka miratuar një project-ligj që lejon ushtrinë të thërrasë një shtesë prej 400,000 ushtarësh reserve.
Kjo vie pas vonesës për fillimin e negociatave për fazën e dytë të marrëveshjes së armëpushimit.
Kanali izraelitë, Channel 14 ka bërë të ditur se sipas vendimit të ri, ushtria izraelite do jetë në gjendje të mobilizojë deri në 400,000 ushtarë rezervë deri më 29 maj, që paraqet një rritje prej 80,000 ushtarësh krahasuar me urdhrin e mëparshëm që miratoi një mobilizim maksimal prej 320,000 ushtarësh reservë.
“Ky vendim vjen mes sfidave të vazhdueshme në rekrutimin e burimeve njerëzore për detyrë rezervë,” ka thënë kanali.
Faza e parë gjashtëjavore e armëpushimit, ka përfunduar zyrtarisht në mesnatën e së shtunës.
Kryeministri izraelit Benjamin Netanyahu kishte kërkuar të zgjaste fazën fillestare të shkëmbimit për të siguruar lirimin e sa më shumë robërve izraelitë pa ofruar asgjë në këmbim ose pa përmbushur detyrimet ushtarake dhe humanitare të marrëveshjes.
Grupi palestinezë Hamasi ka refuzuar të vazhdojë në këto kushte, duke këmbëngulur që Izraeli të respektojë kushtet e armëpushimit dhe të fillojë menjëherë negociatat për fazën e dytë, e cila përfshin një tërheqje të plotë të Izraelit nga Gaza dhe një ndalim të plotë të luftës, raporton AA.
Marrëveshja e armëpushimit ka ndalur luftën e Izraelit në Gaza, e cila ka vrarë më shumë se 48,380 njerëz, kryesisht gra dhe fëmijë, dhe e ka lënë enklavën në gërmadha.
