Zëvendëskryeministrja njëherësh ministrja e Punëve të Jashtme dhe Diasporës së Kosovës, Donika Gërvalla ka thënë se pezullimi i regjimit të vizave për shtetasit e Ukrainës bëhet me qëllimin e solidarizimit ndaj shtetit të Ukrainës, shkruan Teve1.info.
“Gjendjen e rëndë me të cilët po ballafaqohen shtetasit e Ukrainës, dhe me qëllim të solidarizimit ministria e Punëve të Jashtme dhe Diasporës së Kosovës propozon pezullimin e regjimit të vizave për shtetasit e Ukrainës”, tha ajo.
Gërvalla tha se me këtë veprim Kosova do të rreshtohet përkrah vendeve të shumta perëndimore që morën veprime të ngjashme.
“Pezullimin e bazojmë në gjendjen e krijuar dhe mbi arsyet humanitare të kërkesave eventuale në mënyrë që institucionet tona të jenë në gjendje të përballojnë kërkesa të shumta. Si dhe për të mundësuar lehtësia për shtetasit e Ukrainës të cilët republikën e Kosovës e shohin si vend të sigurt. Për ti dal në ndihmë shtetasit të Ukrainës të cilët kërkojnë strehë kudo në botë përjashtimi i vizave do të kontribuonte pozitivisht në hyrjen dhe kalimin e tyre në Kosovë. Kosova me këtë veprim do të rreshtohej përkrah vendeve të shumta perëndimore që morën veprime të ngjashme”, u shpreh ajo. /teve1.info/
