Qeveria e Kosovës ka miratuar vendimin për largimin e regjimit të letër ngjitësve/stikerave për veturat me targa të Serbisë
Në njoftimin e Zyrës së Kryeministrit thuhet se “heqja e regjimit të stikerave është akt i fqinjësisë së mirë dhe vjen pas njohjes së plotë të targave të Republikës së Kosovës nga Serbia”
Ndërkohë, Qeveria ka bërë të ditur se vendimi hyn në fuqi ditën e publikimit në Gazetën Zyrtare.
Vendimi vjen pas atij të Qeverisë së Serbisë i marrë më 25 dhjetor të vitit 2022 që të lejojë lëvizjen e lirë për të gjitha automjetet me targa RKS. Vendimi i Serbisë ka hyrë në fuqi për zbatim nga 1 janari i këtij viti.
Vendosja e stikerave për veturat që hyjnë nga Serbia në Kosovës dhe anasjelltas kishte nisur që nga 4 tetori i vitit 2021.
Kjo erdhi si rezultat i një marrëveshje të arritur në Bruksel më 30 shtator të vitit 2021.
/teve1.info/
