Ai në emisionin “Këndi i Debatit” në Tëvë1, tha kanë shprehur gatishmëri për të ndihmuar në këtë proces.
“Kurti ka qenë i interesuar për pastrimin e listave. Ai ka dashur mendimin tonë dhe ne i kemi shprehur gatishmëri me aq sa kemi mundësi. Kurti këtë temë e ka përmendur edhe në një takim qe kemi pasur para gjashtë muajve”, tha Qeriqi.
Kreu i Shoqatës së Veteranëve të UÇK-së, tha se nuk janë të kënaqur me procesin.
“Secili veteran i vërtetë e njeh një veteran të pavërtetë, prandaj sjemi të kënaqur”, tha Qeriqi.
Ai u shprehë se verifikimi i listave të veteranëve është në kompetencën e Qeverisë së Kosovës.
Qeriqi ka thënë se Komisioni Qeveritar ka gabuar që nuk i ka marr për bazë arkivat.
“Kanë qenë arkivat e shoqatës, secili luftëtarë ka qenë i regjistruar në shoqatë. Pastaj kanë qenë arkivat në Trupat Mbrojtëse të Kosovës. Sikur të ishin marrë për bazë do ta kishin shumë më të lehtë”, tha Qeriqi.
Kryeministri Kurti në një intervistë për televizionin publikë ditë më parë ka paralajmëruar nisjen e procesit të verifikimit të listave të veteranëve të UÇK-së. Sipas Kurti numri prej 60 mijë veteranëve është i fryrë dhe deformon historinë./Tëvë1/
