Profesori i gazetarisë, Gëzim Qerimi, ka thënë se Lëvizja Vetëvendosje pikë të fortë e ka liderin e saj por sipas tij ekipin, listën e kandidatëve dhe listën e ekspertëve e ka pikë jashtëzakonisht të dobët.
Ndërsa, sipas Qerimit pikë e fortë e LDK-së dhe PDK-së është ekipi shumë më profesional se a i VV-së e pikë e dobët mungesa e një lideri të fuqishëm si ai partisë në pushtet.
“Besoj që do të ishte e rëndësishme të zhvillohen 15 debate për sektorët ministror dhe të ketë debate konstruktive, sepse secila parti i ka disa pika të forta dhe disa pika të dobëta. Nëse e analizojmë Vetëvendosjen do të thotë liderin e ka pikë të fortë, por ekipen dhe listën e kandidatëve dhe të ekspertëve e ka pikë jashtëzakonisht të dobët. Nëse i shikojmë dy partitë e tjera PDK dhe LDK ndoshta nuk e kanë liderin e fuqishëm sikurse Vetëvendosja, por ekipet i kanë shumë më profesionale sesa Vetëvendosja”, ka deklaruar ai në emisionin ” Këndi i Debatit”, në Tëvë1.
