Komuna e Prishtinës i ka bërë thirrje qytetarëve që të kenë kujdes gjatë ditës së sotme, pas parashikimeve të Institutit Hidrometerologjik të Kosovës se do ketë reshje shiu dhe shkarkime rrufesh, të përcjellura me erëra të forta.
Komuna lut qytetarët që të mos qëndrojnë afër objekteve të larta, afër pemëve apo ndonjë shtylle, përcjell teve1.info
“Insituti Hidrometeorologjik i Kosovës ka parashikuar që sot, e mërkurë, me datën 05.07.2023, do të ketë mot me vranësira. Vranësirat, sipas institutit gjatë ditës do të intensifikohen duke u shoqëruar me reshje shiu dhe shkarkime rrufesh të cilat do të përcillen me erëra të forta. Një mot i tillë po parashihet të mbajë edhe të enjten dhe të premtën. Andaj ju lutemi të keni kujdes gjatë qarkullimit, mos qëndroni pranë një peme ose afër ndonjë shtylle. Qëndroni larg objekteve të larta”, bëhet e ditur në njoftim.
“Ju lutemi të keni kujdes të shtuar dhe të paraqitni çdo problem apo shqetësim në numrat e telefonit pa pagesë 📞0800 1 22 33 dhe 0800 1 22 44!”, thuhet tutje në komunikatë. /Teve1.info/
