Vajza 11-vjeçare, e cila raportoi se është dhunuar nga pesë persona në Prishtinë, tashmë është strehuar në Qendrën për punë Sociale në kryeqytet.
Strehimin e saj, e ka konfirmuar Vehbi Mujku, nga kjo Qendër, duke i ofruar asaj edhe gjithë përkrahjen e nevojshme profesionale.
“Nga momenti kur jemi vënë në dijeni QPS i ka marrë të gjitha hapat dhe veprimet për të ofruar përkrahje, strehim dhe shërbime profesionale për të miturën. Ne e dënojmë këtë rast shumë të rëndë dhe njëherit sigurojmë se do të vazhdojmë të ofrojmë të gjithë përkrahjen profesionale për të miturën bazuar në nevojat e identifikuara dhe në bazë të përgjegjësive ligjore e profesionale. Edhe në këtë rast do të bashkëpunojmë ngushtë me nivelin qendror dhe organizatat e shoqërisë civile për trajtim dhe ofrim të shërbimeve sa më kualitative”, tha ai.
Nën dyshimet për dhunimin e të miturës, 11-vjeçare, pesë persona tashmë ndodhen në paraburgim prej një muaji. Katër prej tyre janë të mitur, kurse më i vjetri është 26 vjeç.
Kronika e gazetares Lendrina Kodrolli.
