Qendra Kombëtare për Menaxhim Kufitar ka njoftuar për gjendjen e fundit të qarkullimit nëpër pikat kufitare të Kosovës, duke bërë të ditur se në disa prej tyre janë shënuar pritje të konsiderueshme për hyrje në vend.
Sipas përditësimit të fundit, më të ngarkuarat rezultojnë të jenë:
-
Pika kufitare Muçibabë – pritjet për hyrje në Kosovë zgjasin deri në 1 orë.
-
Dheu i Bardhë – pritjet arrijnë deri në 40 minuta.
-
Jarinje dhe Merdarë – pritjet janë 10 deri në 15 minuta.
Ndërsa në pikat tjera kufitare, lëvizja është më e lirë dhe qytetarët mund ta kalojnë kufirin brenda 3 deri në 5 minuta.
Autoritetet u bëjnë thirrje qytetarëve që të planifikojnë udhëtimet e tyre në përputhje me gjendjen në kufi dhe të shfrytëzojnë pikat alternative kur është e mundur.
