Basketbollisti amerikan, Michael Myers është përforcimi më i ri i skuadrës së Trepçës.
Ekipi nga Mitrovica, të premten, e ka prezantuar lojtarin e pozitës qendër, i cili do të jetë pjesë e skuadrës deri në fund të sezonit.
Myers i gjatë 206 centimetra, po shihet si përforcim i rëndësishëm nën kosh për skuadrën e trajnerit Adis Beçiragiq.
Ai ka një përvojë të madhe si profesionist në Evropë, pasi ka luajtur në Finlandë, Estoni, Francë, Belgjikë, Çeki, Ukrainë, Greqi, Kazakistan e Turqi.
Së fundmi, Myers ishte pjesë e ekipit turk, Erokspor që bën gara në kategorinë e dytë dhe ka luajtur me një mesatare prej 10 pikësh e 9 kërcimeve për ndeshje.
