Për çdo ditë rreth 25 fëmijë në situatë rruge vizitojnë këtë qendër ditore në kryeqytet.
Tash e tri vjet, kjo qendër ka për synim të ulë rreziqet dhe abuzimet që u kanosen kësaj kategorie të fëmijëve, andaj vazhdimisht u ofron shërbime të ndryshme.
Është kjo 13 vjeçare që së bashku me familjarë dhe moshatarë të saj e frekuentojnë këtë vend.
“Çdo të premte vi, sapo të vijmë lajmë duart, kemi me honger, pastaj bëjmë detyra, qe tri javë vi këtu me qikën e motrës”, thotë 13-vjeçarja.
Egzona Gashi, kordinatore në këtë qendër tregon se për cilët fëmijë mund të ofrohen shërbime.
“Qendra ofron tash e tre vite shërbime mbrojtëse për fëmijët në situtë rruge, për fëmijët në situate të rrezikshme në nevojë për mbrojtje, për fëmijët e lagjes që kanë nevojë për mbështetje edukativo – psikosociale”, deklaroi Gashi.
Tutje, Gashi tregon se cfarë shërbime po u ofrohen fëmijëve.
“I tregon shërbimet që kryhen, ushqimi, mësimi, me shiku tv…Munden me u pastru, si dhe rrobat e tyre kemi lavanderinë këtu”, shtoi ajo.
Sipas saj, në baza vjetore janë rreth 200 fëmijë që e frekuentojnë këtë qendër.
Ndryshe, rreth tre vjet më parë, Komuna e Prishtinës në bashkëpunim me organizatën Terre des Hommes – Kosovo (Tdh) hapi këtë qendër të qëndrimit ditor për fëmijë në situatë rruge.
Kronika e realizuar nga gazetarja Lendrina Kodrolli.
