Komuna e Ferizajt ka paralajmëruar qytetarët për mundësinë e vërshimeve gjatë ditës së sotme, si pasojë e reshjeve të dendura të shiut.
Sipas njoftimit, autoritetet lokale kanë kërkuar kujdes të shtuar nga qytetarët dhe kanë parashtruar disa masa për menaxhimin e situatës.
“Kujdes të shtuar gjatë qarkullimit, veçanërisht pranë rrjedhave ujore, kanaleve dhe zonave të tjera të rrezikshme ku mund të grumbullohet uji. Shmangien e lëvizjeve të panevojshme në zonat me rrezik të lartë për vërshime. Raportimin e çdo situate emergjente në numrat 192 dhe 193 për një reagim të shpejtë dhe efikas”, thuhet në njoftim.
Gjithashtu, Komuna njofton se ekipet emergjente dhe Policia janë të angazhuara në terren dhe po monitorojnë gjendjen vazhdimisht për të siguruar reagim të ndaj çdo situate të mundshme. /teve1.info/
