Avokati i Popullit, Naim Qelaj, ka thënë se masat që i ka ndërmarrë deri tani Inspektorati i Punës janë të pamjaftueshme.
Ai në emisionin “Info Nata” në Tëvë 11 ka deklaruar se lajmet për aksidente me pasoja deri në fatalitet në vendin e punë po vien si rezultat i mungesës së masave që duhet t’i ndërmarrë shteti.
“ Organi i Inspektoratit të Punës, na e dimë gjendjen në të cilën është, publiku e din, e kemi kuptuar tash sa kohë. Megjithatë masat që i ka ndërmarrë janë të pamjaftueshme. Një ditë më parë kemi dal më një komunikatë për publikun, ku ju kemi bërë thirrje autoriteteve publike, pra qeverise dhe autoriteteve tjera që më marrë masa për të garantuar sigurinë e shëndetit dhe sigurinë e jetës së punëtorëve në punë, sepse çdo ditë po marrim lajme për aksidente me pasoja deri në fatalitet, e kjo vjen si rezultat i mungesës së masave që duhet t’i ndërmarrë shteti për më i mbrojte dhe më i siguruar jetën e qytetarëve.
Ai tha se shteti ka dy lloje obligimesh në raport me të Drejtat e Njeriut.
“Mos harroni shteti, qeveria, autoritete publike që ushtrojnë funksione publike i kanë dy lloje obligimesh në raport me të Drejtat e Njeriut: I pari është detyrimi negative, ku shteti duhet të përmbahet nga çdo veprim, i cili cenon të drejtat e njeriut nëse nuk është i përshkruar në ligj dhe e dyta është detyrimi pozitive, që shteti duhet më marrë çdo masë që është e mundshme për më i mbrojte të drejtat e garantuara me Kushtetutë dhe me Ligj./teve1.info
