Vetëm Universiteti i Tiranës qëndron më keq, i radhitur në vendin 3.786.
E për këtë, eksperti i arsimit, Rinor Qehaja thotë se cilësia e studimeve asnjëherë nuk është vënë në rend të parë nga ana e institucioneve.
“Shkollimi universitar mungon shumë në cilësi, fatkeqësisht debati rreth universitarit kryesisht është kufizu vetëm në debatin për publikimin e profesorëve, mirëpo asnjëherë në cilësinë e vërtetë të studimeve që u ofrohet studentëve”, thotë Qehaja për Tëvë1,
Mirëpo pavarësisht kësaj, të rinjtë kosovarë po marrin vëmendje me talentet e tyre.
Përveç sportit, muzikës e filmit – edhe sektori i teknologjisë informative kosovare po vlerësohet në nivel global.
FORBES, organizata kryesore për rritje dhe rrjetëzim për pronarët dhe drejtuesit e bizneseve, në njërin prej artikujve përmendi qendrat inovative dhe hapësirën e punës, duke e kanë cilësuar Kosovën si shembull të mirë për t’u ndjekur.
Një ekosistem mbështetës është i domosdoshëm për një industri të suksesshme në TIK. Kosova është një shembull i shkëlqyer për këtë, pasi këto fonde dhe qendra inovative mund të marrin pjesën më të madhe të meritave për sektorin e lulëzuar të TIK-ut në Kosovë. Me vendosmërinë e tyre, ata dëshmojnë se të qenit nga një vend i vogël nuk është domosdoshmërisht një disavantazh.
E kërkesat në këtë treg janë rritur.
“Thjesht programet tona janë të akredituara dhe të vlerësuara nga ekspertë ndërkombëtarë dhe studentët tanë, përveç me dijen e tyre, poashtu edhe çmimi i mirë i tregut ka bërë që kërkesa në treg, sidomos nga pandemia e këndej është në rritje eksponenciale.
Studentët tanë janë kompetitivë me vendet e rajonit edhe në shumë raste edhe më të mirë edhe nga performanca por edhe nga çmimi, thotë Blerim Rexha.
Sipas Agjencisë së Statistikave, 96% e popullsisë së Kosovës kanë qasje në internet, duke e bërë vendin me shkallën më të lartë të përdoruesve të internetit në rajon.
Kronika e realizuar nga Albiona Hajdari.
