Qalaj theksoi se krijimi i këtij fondi është shumë i dobishëm për postin e sigurisë së Kosovës, duke e pasur në konsideratë se siguria është elementi kryesor tek një shtet.
“Është shumë e nevojshme që të kemi një Forcë të Sigurisë së më të fortë në Kosovë. E dimë që FSK është një institucion mjaft i ri dhe ka nevojë që gradualisht të forcohet qoftë në aspektin operacional dhe qoftë në burimet njerëzore, apo nga pajisjet me logjistikë. Prandaj, ky fond është i dobishëm për Forcën e Sigurisë, është i mirë dhe i dobishëm për Kosovën, sepse duhet pasur në kosnideratë që siguria është elementi kryeor i një shteti”
Më tej, ish-Drejtori i Policisë së Kosovës tha se shteti dhe populli duhet të investojnë shumë për të ndërtuar organe të forta të sigurisë.
“Duhet që ne si shtet dhe si popull të investojmë shumë që të kemi organe të sigurisë sa më të forta në këtë vend”, ka shtuar ai.
Po ashtu, Qalaj ka thënë se “Forca e Sigurisë së Kosovës ka nevojë të ketë nje komisioner, sepse roli i tij është t’i mbrojë të drejtat e ushtarëve”.
“Ushtarët e FSK-së mund të kenë pakënaqësi të ndryshme e nevoja të shumta”, deklaroi më tej ai.
