Deputeti i Partisë Demokratike të Kosovës, Rashit Qalaj ka deklaruar se nuk do të votojë Nenad Rashiqin dhe asnjë tjetër, derisa fituesit e zgjedhjeve të tregojnë se pse Lista Serbe është në Kuvendin e Kosovës, edhe përkundër faktit që institucionet e sigurisë kanë dërguar informacione për aktivitetet e tyre.
“Unë nuk votoj as Nenad Rashiq e as Nenadat tjerë sepse nuk dua të jem pjesë e shkeljeve Kushtetuese. Unë kam një pyetje për partinë që ka fituar zgjedhjeve dhe partnerët e saj se pse janë deputetët e Listës Serben në Kuvend. Nëse institucionet tona të sigurisë kanë informacione mbi aktivitetet e tyre kriminalo terroristë dhe nëse i kanë dërguar informacione presidencës, institucioneve tjera, pse nuk veprohet. Si mund të ndodh që njerëzit që sipas qeveritarëve tanë kanë kryer veprime terroriste të jenë në Kuvendin e Kosovës. Kjo është pyetja që duhet ata të na japin përgjigje e jo të na bëjnë veprime në thonjëza patriotike dhe t’i bllokojnë institucionet e Kosovës”, tha ai.
