Paneli Zgjedhor për Ankesa dhe Parashtresa (PZAP) ka refuzuar ankesën e Partisë Demokratike të Kosovës ndaj kandidates së Vetëvendosjes për kryetare të Drenasit, Egzona Tërdevci.
PDK kishte pretenduar se Tërdevci kishte shkelur ligjin zgjedhor me një postim në Facebook, ku kishte aluduar se PDK ka dy kandidatë në garë për kryetar të Drenasit – Petrit Hajdarin dhe Ramiz Lladrovcin.
Por, sipas vendimit të PZAP-it, ky veprim nuk paraqet shkelje të Kodit të Sjelljes për subjektet politike dhe ankesat e PDK-së u vlerësuan si të paqëndrueshme.
Vendimin e plotë mund ta gjeni duke klikuar këtu.
