Paneli Zgjedhor për Ankesa dhe Parashtresa ka gjobitur Lëvizjen Vetëvendosje me 2500 euro pas anekses së PDK-së ndaj Faton Pecit, kandidat për kryetar të Mitrovicës së Jugut, i cili kishte bërë një vizitë në Muzeun e Qytetit me qëllim elektoral.
PZAP-ja ka vendosur se ky veprim i Pecit përbën shkelje të Kodit të mirësjelljes për subjektet politike gjatë fushatës zgjedhore për zgjedhjet lokale të 12 tetorit.
Vetëvendosje është e obliguar ta paguajë gjobën për 15 ditë, prej hyrjes në fuqi të vendimit.
