Presidenti rus, Vladimir Putin ka folur në forumin vjetor të investimeve “Rusia Calling”, të organizuar nga banka shtetërore VTB.
Aty Putin përsëriti qëndrimin e kahershëm të Rusisë se Moska nuk ka plane për të sulmuar Evropën, shqetësim ky që shprehet rregullisht nga disa vende evropiane.
“Nuk do të bëjmë luftë me Evropën, e kam thënë tashmë. Por nëse Evropa papritmas dëshiron të bëjë një luftë me ne dhe e fillon atë, ne jemi gati menjëherë. Nuk ka dyshim për këtë”, tha Putin, citon AP.
Ai kërcënoi gjithashtu se nëse Evropa fillon një luftë me Rusinë, mund të ketë “një situatë në të cilën nuk do të ketë askënd me të cilin të negociojë”.
