Presidenti i Rusisë, Vladimir Putin, gjatë një fjalimi në Bishkek të Kirgistanit, tha se një draft-plan paqeje i propozuar nga SHBA-të mund të bëhet baza e marrëveshjeve të ardhshme, por theksoi se ai ende ka nevojë për punë të mëtejshme, sipas raportimeve të Reuters.
Ai sugjeroi që sapo trupat ukrainase të tërhiqen nga pozicionet e tyre në zonat kyçe, atëherë luftimet do të ndalen, por nëse nuk e bëjnë këtë, atëherë forcat ruse do t’i arrijnë objektivat e tyre me forcë,
Ai gjithashtu e përshkroi udhëheqjen ukrainase si të paligjshme dhe për këtë arsye jo në gjendje për të nënshkruar ndonjë marrëveshje paqeje.
Presidenti rus përsëriti kërkesën e tij që bashkësia ndërkombëtare të njohë përparimet ruse në Ukrainë.
Putin shprehu gjithashtu habinë e tij ndaj sanksioneve të SHBA-së kundër kompanive ruse të naftës, duke argumentuar se ato po shkatërronin marrëdhëniet mes dy vendeve.
Në një paralajmërim të qartë për Evropën, ai deklaroi: “Çdo veprim për të konfiskuar asetet ruse do të ishte ‘një vjedhje prone’ dhe do të kishte një ndikim negativ në sistemin financiar global, me Rusinë e përgatitur për t’u hakmarrë.”
