Presidenti rus, Vladimir Putin dhe ai amerikan, Donald Trump kanë pasur një telefonatë të hënën, të cilën Shtëpia e Bardhë e ka përshkruar si “pozitive”.
Sekretarja e Shtypit Karoline Leavitt postoi në X ku tha se: “Presidenti Trump ka përfunduar një telefonatë pozitive me Presidentin Putin në lidhje me Ukrainën .”
Deklarata e saj erdhi vetëm pak pasi Rusia akuzoi Ukrainën për këtë sulm me dron ndaj rezidencës presidenciale të Putinit në Rusinë veriore.
Edhe Kremlini ka komentuar telefonatën ku ka deklaruar se Putin e ka informuar Trumpin për sulmin me dron në telefonatën e tyre të sotme dhe se kjo po çonte në një ndryshim në qëndrimin e tyre për një marrëveshje paqeje.
Këshilltari i politikës së jashtme të Kremlinit, Yuri Ushakov ka thënë se Putin i ka thënë Trump se ai ende dëshiron të punojë me SHBA-në për një marrëveshje paqeje, por që sulmi i kishte detyruar ata të rishikonin qëndrimin e tyre.
Ai shtoi se Trump u shokua kur Putin i tregoi për sulmin me dron në rezidencën presidenciale në Novgorod.
Ukraina ka mohuar pretendimet ruse për një tentativë sulmi ndaj rezidencës së Putinit.
