Specialisti i biokimisë klinike, Kujtim Thaçi ka njoftuar se punimi i tij shkencor si autorë i parë me Harvard Medical School është publikuar në revistën shkencore Glycoscience&Therapy të Chinese Academy of Sciences.
Sipas tij punimi thekson për herë të parë rëndësinë e glikozilimit të immunglobulinës IgG për zhvillimin e qasjeve të reja diagnostifikuese dhe terapeutike për zbulimin e hershëm dhe menaxhimin pre dhe postnatal të Hemokromatozës neonatale.
“Koncepti i thellë shkencorë si dhe shkrimi i shquar akademik ka bërë që ky punim i veçantë të merret në shqyrtim nga Chinese Academy of Sciences”, ka shkruar ai në Facebook.
Thaçi tutje ka sugjeruar leximin e këtij punimi nga të gjithë profesionistët shëndetësorë dhe shkencëtarët sidomos nga specialistët e imunologjisë, pediatrise dhe reumatologjisë të Kosovës.
“Një falenderim i veqantë për U.S. Embassy Pristina, Kosovo, Ministria e Arsimit, Shkencës, Teknologjisë dhe Inovacionit, The Fulbright Program, United States-Kosovo Educational Exchange Board – USKEB”, ka theksuar Thaçi.
