Para pak ditësh, është shpallur tenderi për ndërtimin e “Rrugës A”, në Prishtinë.
Tenderi për fazën e parë kap vlerën 9,5 milionë euro dhe punimet priten të fillojnë në mesin e shtatorit.
Sipas Komunës së Prishtinës, punimet në këtë projekt do të ndahen në dy faza.
Drejtori i Investimeve Kapitale në Prishtinë, Krenar Xhaferi, tregon datat në të cilat parashihet të fillojnë punimet.
Ndërkaq ky projekt nga njohësit e komunikacionit shihet se do të lehtësoj komunikacionin.
Pjesa e parë e rrugës fillon nga “Veterniku” deri te vazhdimi i “Rrugës B”.
Në kuadër të këtij projekti përfshihet rruga me të gjitha instalimet nëntokësore dhe do të jenë tri korsi në një drejtim.
Kronika e realizuar nga Valëza Sylejmani
