Në “Info Nata” në Tëvë 1, Beqiri thotë se dora i ishte këputur në tre vende, teksa bëri të ditur se për të hyrë në operim kishte pritur rreth shtatë orë.
“Dhe duke punuar atje kam qenë, ma ka kap shiriti këtë gisht, dhe ka fillu lëndimi. Ma ka këput ashtin, dihet shumë mirë, është i këputur edhe këtu, është dora këtu komplet. Është dora e këputur në tre vende. Dhe më kanë dërgu në emergjencë, më kanë dërgu me një kerr, kam pritur për operim deri afër 7 në mbrëmje. Aksidenti ka ndodhur në 13:30”, tha Beqiri.
Ai potencoi se pavarësisht kushteve në Kosovë, mjekët kanë bërë një punë të mirë për t’ia shpëtuar dorën.
Minatori Beqiri shtoi se kishte paditur “Trepçën”, e kishte fituar gjyqin gjatë vitit 2018, por që ende nuk është kompensuar për dëmin e shkaktuar, e të cilin po e kërkon ende. /Teve1.info/
