Autori: Adea Mustafaj
Ani pse paga minimale nga 1 janari do të duhej të ishte 425 euro, ky vendim nuk po zbatohet në të gjithë institucionet e Kosovës.
Kështu të paktën nuk ka ndodhur në Qendrën Kryesore të Mjekësisë Familjare në Klinë.
Punonjësit e mirëmbajtjes, janë paguar me vetëm 325 euro.
Nëse situata nuk ndyrshon dhe punëtorët nuk kompenzohen, kryetari i Sindikatës së Pavarur të Sektorit Privat, paralajmëron grevë.
“Në momentin e marrjes së informacionit norma që ne kem dhonë afatin deri në fund të kësaj jave që të bëhet pagesa shtes. Përndryshe që nga java e ardhshme ne do të ndërpresin procesin e punës sepse është një vendim që është nxjerr nga institucionet tona dhe ato duhet me respektu edhe une edhe operatori ekonomik edhe kontraktuesi edhe gjithë. Ne i kemi paralajmru me kohë. Ata nuk e kanë bë këtë dhe ne nuk marrim përgjegjësi.” , ka thënë Azemi.
Për mos zbatimin e këtij vendimi, avokati Ardian Bajraktari thotë se inspektoriati i punës duhet të dal në terren dhe të shikoj problemin.
“Një vendim i tillë për caktimin e pagës minimale duhet me u respektu dhe për rrjedhoj organizatat kush do qofshin ato në rast se kanë bërë ekzekutim të pages nën pagen minimale këto mund të jenë objekt ekspektimi nga ana inispektoriati i punës në mënyrë që të evitohen këto lëshime dhe puntorët të mos pësojnë.”, u shpreh Bajraktari
Ndërkaq, Jusuf Azemi ka një thirrje për të gjitha kompanitë.
“Unë i kisha thirr të gjitha kompanit që ta bëjnë pagesen konfort të këtij vendimi sepse ne jemi të obliguar si sindikat që ta shtym këtë vendim dhe të implementohetdhe nuk ka ndryshe. Ose ka me u implement ose ka me u ndërpreh procesi i punës.”, ka thënë tutje Azemi.
Me 31 tetor të vitit të kaluar qeveria në detyrë kishte miratuar vendimin për rriten e pages minimale e cila do të bëhet në dy faza.
Fillimisht paga minimale do të jetë 425 euro, ndërkohë nga korriku do të bëhet 500 euro.
