Kryesia e sindikatave të punëtorëve të Korporatës Energjetike të Kosovës (KEK) ka bërë të ditur se të premten punëtorët e kësaj ndërmarrjeje do të protestojnë me kërkesën për rritje të pagave.
Sindikata e KEK-ut ka bërë të ditur se potesta do të mbahet para zyrave të kësaj ndërmarrjeje në sheshin “Nënë Tereza”, shkruan teve1.info
Protesta pritet të fillojë nga ora 11:00.
“Nga mbledhja e Kryesive të Sindikatave të KEK-ut më datë 20.04.2023 është marrë vendim për Protestë më datë 28.04.2023 duke filluar nga ora 11:00. Protesta do të mbahet para zyrave të KEK-ut në Sheshin “NËNË TEREZA”. Edhe pse ishte një premtim nga ana e Bordit për realizimin e kërkesës së Sindikatave të KEK-ut por edhe premtim publik permes komunikatës së datës 03.04.2023. Si më poshtë: Duke pasur tërë mirëkuptimin për kërkesat e punëtorëve, pas përfundimit të auditimit dhe certifikimit të pasqyrave financiare në fund të muajit Prill të këtij viti, Bordi dhe Menaxhmenti i KEK-ut, do të shqyrtojë kërkesën e sindikatave se sa do të ketë mundësi që të përfitojnë punonjësit e KEK-ut. Përkundër premtimit kjo nuk po ndodhë prandaj ne vazhdojmë. “Ngrite zërin për ta ngritur pagën””, është bërë e ditur në komunikatë.
