Sipas tij, të gjitha çështjet e pazgjidhura mes Kosovës e Serbisë deri më tani, duhet një herë e mirë të marrin një epilog përfundimtar.
“Këto vizitat e ditëve të fundit të cilat janë bërë në rajonin tonë dhe në Kosovë në mënyrë të veçantë, duhet marrur me seriozitet secila qeveri në rajon, si dhe duhet konsideruar faktin që njëherë e mirë çështjet e pazgjidhura, të ndërlikuara, të ju japin adresë dhe të marrin një epilog përfundimtar”, tha Pula për emisionin “Infonata”.
Gjithashtu, Pula përmendi edhe vizitën e ministres së Mbrojtjes gjermane, Christine Lambrecht.
Teksa shtoi tutje se vizita e saj në vendin tonë ka një peshë të jashtëzakonshme, pasi që mund të jetë ndonjë porosi nga ana e qeverisë gjermane për qeveritë e rajonit.
“Fakti që ajo bëri një vizitë tek vendet tona, ka një peshë të jashtëzakonshme, një porosi që tregon për qeveritë e rajonit, ku duhet të jetë parasysh vëmendja e qetësisë, dhe njëkohësisht porosia nga ana e qeverisë gjermane”, tha tutje ai.
Njëkohësisht, Pula shtoi se në rajonin tonë kemi ende situata të ndërlikuara politike duke përfshirë edhe ato të sigurisë, mirëpo qeveria gjermane tashmë e konsideron veten përgjegjëse për rajonin tonë.
