Këto deklarata ai bëri në emisionin “Ditari” në Tëvë 1, teksa komentoi vizitën e kryeministrit të Kosovës, Albin Kurti në Shtetet e Bashkuara të Amerikës.
Sipas tij, SHBA-ja, Gjermania, Mbretëria e Bashkuar janë të involvuara direkt në procesin e dialogut, por që “sytë i kanë kah Bashkimi Evropian, përkatësisht Emisari Special, Miroslav Lajçak”.
“Prandaj një vizitë e tillë qoftë në State Department apo Shtëpi të Bardhë do të nënkuptonte edhe një lloj shtytje ose presioni politik diplomatik. Shikuar në një pasqyrë SHBA është e involvuar në proces me emërimin e Escobarit është e përfshirë drejtpërdrejtë në dialog e ka bërë të njëjtën edhe Britania edhe Gjermanët pra nuk është se nuk janë brenda procesit por duan të jenë në radhën e dytë ndërkaq në radhën e parë shohin se çfarë po bënë Unioni Evropian përkatëisht i emëruari special, Miroslav Lajçak që drejtpërdrejt lehtëson procesin”, shtoi ai.
Pula pohon se me ndërrimin e pushtetit dhe ardhjen e Kurtit në postin e kryeministrit ka ndërruar qasja karshi dialogut.
“Por ajo çfarë është më me rëndësi të thuhet është se Lajcak sikur nuk po arrin atë çfarë është menduar për faktin se ndërrimi i Administratës së Qeverisjes në Kosovë sikur e ka ndërru qasjen karshi dialogut dhe po vërehet tashmë dhe mos të harrojmë që për një mandat të qeverisjes së Kurtit kemi 3 takime të nivelit të lartë dhe sikur kjo po e shton atë dozën e skepticizmit dhe prolongimit te të tjerët, a thua çfarë po ndodhë por takimet e nivelit të tillë dhe vendimmarrja e nivelit të tillë kërkon kohë shumë serioze dhe përmbajtësore për një vendimmarrje çfarë supozohet të jetë”, tha ai./teve1.info/.
