Në emisionin “Ditari” në Tëvë 1, ai vlerëson se gjatë kësaj vizite do të duhej të ndodhte një takim i Kurtit me zyrtarë më të lartë shtetërorë.
“Marrë parasysh faktin se Kosova konsiderohet vend mik, aleat i SHBA-së në Ballkan, shto kësaj edhe deklarimet publike nga ana e Qeverisë së Kosovës se është duke u përgatit një takim i nivelit të lartë në Uashington jemi në pritje të një takimi se kur do të ndodhë mbetet për t’u parë dhe nëse do të ndodhë realisht në një periudhë të shkurtër por që konsideruar domosdoshmërinë e ndërtimit të mëtejmë do të duhej të ndodhte një vizitë e tillë”, tha ai.
Sipas tij, nëse do të ndodhte vizita me krerët e lartë të Administratës Amerikane, Pula thotë se do të ketë ndikim të jashtëzakonshëm pasi që “statusi i Kosovës po kontestohet nga ana e Serbisë sepse ka një qasje destruktive”.
“Sa i takon raporteve me SHBA-të natyrisht se do të ketë ndikim të jashtëzakonshëm nëse do të realizohej jo vetëm për Kosovën si vend në rajonin tonë sepse qëllimi është që të ndërtohet një fqinjësi e mirë raporte korrekte të paktën Kosovë dhe Serbi për faktin se statusi i Kosovës po kontestohet nga ana e Serbisë dhe qasja destruktive sikur e kalon tërë rajonin me një mungesë prosperiteti dhe letargjie sa i takon zhvillimit ekonomik”, shtoi ai./teve1.info/.
